Qaanaami seqineq inuulluaqquaat
Qaanaami seqineq tarrippoq ullut 117-it tarrisimassalluni.
Annonse
»Seqinersuaq inuulluarina aamma aqagu nuiumaarputit«.
Tigulaariffigaarput erinarsuut »Seqinersuaq inuulluarina« Qaanaami erinarsoqatigiit ukiorpaalunngortut matuma siorna immiussaat Pauline Lumholt siulersortigalugu.
Qaanaarmiut seqinersuaq inuulluaqqugallarpaat oktoberip 24-iat ulluni 117-ini takunngikkallassallugu. Seqineq tarrikkiartortoq inuppaat katersuullutik isiginnaarpaat aatsaallu tassa februarip 17-iani takoqqissallugu.
Assimik kusanartumik nassiussisoq Dan Normann oqaluttuarpoq ukiuunera aallartittoq seqernup tarrinnerata malunnartittaraalusooq maanna tassa kaperlalermat. Soorluli assimi takuneqarsinnaavoq Qaanaaq aputaasattorsuuvoq piniartullugooq suli umiatsiamik angalasarput.