Qaartartumeerinissamik sioorasaarisoq timmisartoqataaqqusaanngitsoq
Mittarfimmi qaartartoqarnerarlugu angut siorasaarereersoq politiinit tigusarineqarpoq
Angut Nuummiit Islandiliarluni pingasunngornermi angalaniaq timmisartoqataanngilaq. Ilaasoq nassataminik tunniussitilluni qaartartoqarnerarlugu siorasaaruteqarsimavoq.
- Qaartartumeerinissamik siorasaarisoqarsimanera uppernarsarsinnaavara. Siorasaarisoqareersoq mittarfimmukarpugut, pisorlu pisissuiffigineqarpoq, Nuummi politiinit Jan Geisler oqarpoq.
Angut killisiorneqareernermi politiinit iparagaasinneqarpoq, qaartartumik paarisaqanngitsoq aamma qulakkeerneqarpoq. Ilaasussalli Islandimut angalanissaralua taamaatiinnarpoq.
Pisoq pillugu Jan Geisler oqaaseqaqqissinnaanngilaq, taamaattoq oqaatigaa mittarfimmi qaartartoqarneranik siorasaarineq Mittarfeqarfinnit iliuuseqarfigineqartuaannartoq.
- Quiasaarutigalugu oqaraluaraanniluunniit Mittarfeqarfiit iliuuseqartussaatitaapput. Taamaattumik taamatut oqaaseqarnissaq sianiilliornerusarpoq, oqarpoq.
Tassunga atatillugu Mittarfeqarfinnit erseqqissaassutigineqarpoq siorasaarinerit tamarluinnarmik pimoorullugit isumagineqartarmata.
- Mittarfinni isumannaallisaanerup qaffasissuunera nunani tamalaani malittarisassat malippaat ilinnillu ilaasutut illersuisussaalluni. Siorasaarisoqartillugu isumannaallisaanikkut periutsit aalajangersimalluinnartut najoqqutareqqissaarneqartarput, Mittarfeqarfiit Facebookikkut allapput.