Qalerallit pisassat ukiumut sisamararterutikkaarlugit
Naalakkersuisut aalajangerput ingerlatsivinni Uummannami Upernavimmilu qaleralinniarnermi ukiup sisamarterutaanut pisassiisarnissaq 1. april 2011 aallarnerfigalugu atulersinneqassasoq
Ukiup sisamarterutaanut pisassiisoqartalernerup atuutilernerata kingunerissavaa, ingerlatsivinni tamani pisassiissutigineqartut ataatsimut eqquutinneqarnissaat, taamaalisoqarnerani piujuartitsinissami tunngaviusut malinneqassammata.
Pisassiissutit ukiup sisamarterutaanut agguaannerani aamma aasaanerani aalisarnerup killilerneqarnerani pisassiissutit naammattusaariffigineqarsinnaapput aalisarnerlu ukioq tamakkerlugu siammarneqarluni, nanoq.gl-imi ilisimatitsisoqarpoq.
Pisassiissutit imatut agguarneqarput:
Uummannap eqqaani 2011-mi pisiassissitit 6000 tonsiupput
1. ukiup sisamarterutaat siulleq (januaari, februaari, marsi): 1.000 tonsit
2. ukiup sisamarterutaata aappaat (apriili, maaji, juuni): 1.700 tonsit
3. ukiup sisamarterutaata pingajuat (juuli, aggusti, septembari): 2.300 tonsit
4. ukiup sisamarterutaata sisamaat (oktobari, novembari, decembari): 1000 tonsit
Upernaviup eqqaani 2011-mi pisiassissitit 6.500 tonsiupput
1. ukiup sisamarterutaat siulleq (januaari, februaari, marsi): 1.600 tonsit
2. ukiup sisamarterutaata aappaat (apriili, maaji, juuni): 2.000 tonsit
3. ukiup sisamarterutaata pingajuat (juuli, aggusti, septembari): 2.100 tonsit
4. ukiup sisamarterutaata sisamaat (oktobari, novembari, decembari): 800 tonsit
Pisassiissutigineqartut ukiup sisamararterutaani siullermi sinnerneqassagaluarpata, taakku ukiup sisamararterutaata pingajuani ilanngaatigineqassapput.
Ukiup sisamarterutaa siulleq eqqaanngikkaanni (januaari, februaari, marsi) aalisarneq unitsinneqartassaaq, ukiup sisamarterutaani pisassiissutit tamakkersimagaangata. Ukiup sisamarterutaani pisassiissutit tamakkerneqanngippata, pisarineqarsimanngitsut annertussusaat ukiup sisamarterutaanut tulliuttumut nuunneqassapput.