Qallunaat oqimaalliartorput

Angutit 58,3 procentii arnallu 42,6 procentii oqimaapallaarlutillu oqimaappallaarujussuaqaat. 2005-mi arnat 37,5 procentii angutillu 54,8 procentii oqimaappallaartut, Rockwool Fondenip misissuineranit paasineqarpoq.

- Siusinnerusukkut oqaatigineqartarsimavoq qallunaat pualasuut amerlassutsimikkut taamaaginnartut. Misissuinitsinnili taamatut isikkoqanngilaq, ilisimatooq Jane Greve Rockwool Fondens Forskningsenhedimeersoq oqarpoq.

Suleqatinilu qallunaat 5000 sinneqartut ileqqut, inooriaaseq oqimaassuserlu pillugu akissutit katersorsimavai, inerneralu tupaallatsitsivoq.

- Naak tamanna anenrtuumik sammineqartaraluartoq tupaallannarpoq pualassuseq annikilliartunngimmat. Misissuinerit allat takutippaat meeqqat pualassusaat ilorraap tungaanut ingerlalersimasoq, inersimasunili suli malunniunnani, Jane Greve oqarpoq.

Naak angutit oqimaappallat arnanit amerlanerusutut isikkoqaraluartoq imaanngilaq angutit arnaniit peqqinnannginnerusumik inuusut. Arnammi angutillu qiteqassusiat Bosy Mass Indeximut BMI-imut taarsiullugu misissoraanni allanngortoqarpoq.

- BMI-p taamallaat misissornissaa eqqortumik takutitsinngilaq. Assersuutigisinnaavarput ph.d-nngorniarlutik ilisimatusrtut sunngiffimminni arpalutillu timigissartartut BMI-qarput 26-p 27-illu akornanni, tassalu nukissuarnik, Jane Greve oqarpoq. BMI 25 aamma 30-p akornanniippat tamanna akunnattumik oqimaappallaarnertut isikkoqarpoq.

Arnat angutillu qitii uuttortaraanni kisitsisit takutippaat arnar 36 procentii angutilu 21 procentii oqimaapallaartut.

Taama allappoq Ritzau.