Qaqortoq: Meeqqerivik nutaaq sanaartorneqalerpoq
Qaqortumi meeqqerivik 'Angajo' ingutserneqarluni maanna aallartippoq, ullutsinnut naleqquttumik anginerusumik sanaartorneqarnissaa pilersaarutaavoq.
Ukiut arlaqanngitsut qaangiuppata, meeqqerivik ‘Angajo’ ingutserneqareerpat, Qaqortumi meeqqerivinni meeqqat amerlanerusut inissaqalissapput. Kommune Kujalleq taama ilisimatitsivoq.
Pilersaarutaasut malillugit tamanna siorna pisussaagaluartoq assiginngitsunik tunngaveqarluni pisinnaanikuunngitsoq, Kommune Kujallermi teknikimut avatangiisinullu ataatsimiititaliami siulittaasoq Josef Petersen ilisimatitsivoq.
Kommune Kujallermi borgmesterip suliaq maanna aallartimmat nuannaarutigaa.
- Taamaasillutami qulakkiissavarput meeqqat amerlanerusut inissaqartinneqalernissaat; tamanna siunissami ilaqutariinnut meerartalinnut avataaniit tikittussanut aamma oqilisaassissaaq, borgmesteri Kiista P. Isaksen oqarpoq.
Meeqqeriviup Angajop ingutserneqarnereerluni sanaartorneqara 2020-p aallartisimalernerani naammassillugu inerneqarnissaa pilersarutaavoq, kommuni ilisimatitsivoq.
Meeqqeriviup Angajop sanaartorneqarnerani meeqqerivik atuarfiup ilaani paaqqinnertarfimmi ”SISI”-mi inissisimagallassaaq.