pilluaritsi
Qatserisartuni aqutsisunngorlaat
Kalaallit Nunaanni qatserisartut ilinniarfianni qatserinermi aqutsisunik naammassisoqarpoq
Qatserinermi aqutsisunngorlaat 14-it maanna piareerput qatserinermi aqutsisuunissaminnut Beredskabscenter Aalborgimi soraarummeerneq naammassilluareerlugu.
Siulermeerutaasumik qatserinermi aqutsisut ilinniarnerup immikkoortua siulleq Ilulissani ingerlappaat tassanilu ilitsersorneqarput qatserisartut sungiusarnissaannut sungiusaatissallu pilersaarusiornissaannut.
Ilinniarnerup immikkoortuata aappaa Aalborgimi pivoq tassanilu soraarummeertoqarpoq tallimanngorneq septebarip aqqaneq aappaat Nuummi qatserisartut pisortaat Knud Petersen censoreralugu.
- Aqutsisut qaffasissumik ilinniarsimasut naammassipput. Kalaallit Nunaanni qatserisartut ilinniarfianit uppernarsineqarpoq qatserisartutut ilinniarnerit ilaat angusaqarfiulluartumik Kalaallit Nunaanni pisinnaasut. Tamatuma ingerlannera uagutsinnut unammillernartuusimavoq tamatumalu maanna kinguneraa aqutsisut ilinniarluarsimasut 14-it naammassimmata, Beredskabscenter Aalborgimiit Jesper Steenbakken ilinniarnermi ilitsersuisuusoq oqarpoq.