Qeqertarsuarmi umimmaliinissamik takorluukkat qatangiinnartut
Qeqertarsuup uumasoqassusaata immikkut ittup Kommuni Qeqertalimmi kommunalbestyrelsip umimmaliinissamik pilersaaruteqarnera taamaatiinnartariaqalersippaa - Qeqertarsuarmi piniarnermik inuussutissarsiornermut uggornaqisumik.
Maajip naanerani Kommuni Qeqertalimmi kommunalbestyrelsi aalajangiivoq Qeqertarsuarmi umimmaliinissamik pilersaarut angorusussimasaraluaq taamaatiinnassallugu. Piffimmi politikkeriusut isumalluarsimasut suliap ingerlateqqinnissaanut tunngavissaarupput, tassami misissueqqissaarnerit paasinarsisippaat umimmaliisoqassappat - sumiiffiup pineqartup uumasoqassusaanut uumasuinullu pioreersunut- pitsaanngitsumik kinguneqassasoq.
Taama aalajangerneq politikkerinuinnaq nakeriallatsitsinngilaq, tassami piniarnermik inuussutissarsiutillit - pinngortitami kusanartumi, biologit oqarnerat malillugu uumassusillit avatangiisillu pissusaannik immikkuullarilluinnartunik, nunarsuullu issittortaata sinnerani nassaassaanngitsunik peqartumi, umimmanniarnermik aningaasarsiuteqarsinnaanermik periarfissaqalernissaraluat piviusunngunngitsoorpoq.
Neriniarfissat taarserneqarsinnaanngitsut
Timmissat ingerlaartut soorlu mitit, nerlerit, allerit, qeerlutuut timmissallu allat neriniarfissaminnut takkussuuttarput. Neriniarfigalugillu najortagaat Qeqertarsuup nunataaniittut nunarsuup sinnerani timmiaqassusermut pingaarutilerujussuupput. Aalisarnermut, piniarnermut, nunaateqarnermullu naalakkersuisoq § 37-mut 2017-imi apeqqummut akissuteqarnermini paasissutissiivoq umimmaliisoqassappat pinngortitamut pineqartumut sunniuteqarnerlussasoq. Naalakkersuisoqarfiuttaaq akissuteqarnermini naqissuserpaa 1993-imi misissuisimaneq naapertorlugu umimmaat nerisarilluartagaat naasoq kobresia Qeqertarsuarmi naaneq ajortoq. Taamaammat naliliisoqarpoq Qeqertarsuaq umimmaliiffigissallugu tulluanngitsoq. Aalisarnermut, piniarnermut nunaateqarnermullu naalakkersuisup akissuteqaataa Pinngortitaleriffimmit allakkatigut ilalerneqarpoq.
Uumasut qaasuttut naasullu piffimmiit piffimmut aatsaat nuunneqarsinnaallutillu siaruarterneqarsinnaapput Naalakkersuisut
akuersinerisigut.
AllaaserisaqtamakkerluguaviisiSermitsiamiatuarsinnaavat. Aviisiuaniataanipissarsiarisinnaavat: