Qeqertarsuatsiaat
Qeqertarsuatsiaat eqqaanni nannut takuneqartut
Innuttaasut nannunik marlunnik takusimapput
Innuttaasut nannut marluk Qeqertarsuatsiaat eqqaani takusimavaat. Aalisarnermut Piniarnermut Nunalerinermullu Naalakkersuisoqarfik taama ilisimatitsivoq.
Taamaammat inuit aavartut eqalunniat allallu nannunut mianersoqquneqarput.
Assit: Nanoq illoqarfimmut qaninngoortoq
Oqartussat attaveqarfigikkit
Nannunik takunnikkaanni, piniarnermut nakkutilliisoq erngerluni attavigineqassaaq, naalakkersuisoqarfimmi pigaartup oqarasuaataa 48 25 20 imaluunniit Nuummi politiit.
Naalakkersuisoqarfik ilisimatitsivoq, Nuup eqqaani nannuttassat tamakkerneqareersut.
Nannut inoqarfinnut qanillattortut aallaasinik aallaalluni, kalerrisaarutit assigisaalluunniit atorlugit qimaatinniarneqassapput.
Nannup toqunneqarnissaa pisariaqalissagaluarpat, politiit, kommunefogedi imaluunniit piniarnermik aalisarnermillu nakkutilliisoq aallaaviusumik toqutsisuussapput.
Innuttaasut navianartorsiortillutik imaluunniit pisariaqartillugu illersortariaqartillutik nannunik toqutsisinnaatitaapput.