Qeqertarsuup Tunuani qaleralinniartoqaqqissinnaanngortoq: TAC inassuteqaatinit maanna 82 precentimik annertunerulerpoq.
Ataasinngormat ammasumik siunersiueqatigiinnermi Aalisarnermut, Piniarnermut Nunalerinermullu Naalakkersuisup Jens Immanuelsenip neriorsuutigaa, Qeqertarsuup Tunuani qaleralittassiissutit qaffanneqarnissaannut siunnersuummik saqqummiussiniarluni. Aalisarnerlu maanna ammaqqinneqarpoq, pisassiissutaasimasullu qaavisigut 1145 tonsit maanna aalisarneqarsinnaanngorlutik.
Så kan jollefiskerne i Diskobugten starte motoren igen. Naalakkersuisut har nemlig i dag den 4. november, besluttet at forhøje hellefiskekvoten i det indenskærs jollefiskeri i Diskobugten med 1.145 tons.
Ukiumut tamarmut pisassiissutit oktobarip aqqaneq-aappaani tamarmik pisarineqarmata aalisarneq oktobarip 28-ani matuneqarpoq, maannalu ukiumut pisassiissutit qaffanneqarnerisigut, Qeqertarsuup Tunuani umiatsiaararsortunut pisassiissutit 4.968 tonsitut annertutigilerput. Taamaalilluni Qeqertarsuup Tunuani aalisariutinut umiatsiaararsortunullu 2020-mut TAC tamarmiusoq 9.325 tonsinngorluni.
Qeqertarsuut Tunuarnut ilisimatuussutsikkut siunnersuuut 5.120 tonsitut annertutigivoq.
TAC-mik appaanissaq pilersaarutaasoq
Qeqertarsuup Tunuani Uummannamilu aalisarneq oktobarip 28-ani matoriasaarneqarmat, Aalisarnermut, Piniarnermut Nunalerinermullu Ataatsimiititaliamit Naalakkersuisoq Jens Immanuelsen ataasinngornermi ammasumik siunersiueqatigiinnissamut qaaqquneqarpoq, tassanilu neriorsuutigaa, ukiup sinneranut aalisartunut aaqqiissutaasinnaasumik nassaarniarniarluni.
Naalakkersuisut qaleralittassiissutaasartut ukiut sisamat ingerlanneranni ikilisikkiartuaarnissaannut periusissiorsimapput, tassa uumassusilerituut siunnersuutaannut naapertuuttumik pisassiissuteqartalerniarlutik. Ullumili pisassiissutinik qaffaasoqarmat, TAC siunnersuisimanernit 82 procentimik qaffasinnerulerpoq.
Ataasinngormat ammasumik siunersiueqatigiittoqarnerani Jens Immanuelsenip nassuiaatigaa, TAC sunnernaveersaarniarlugu pisassiissutinik "teknikkikkut" qaffaanissaq suliassutigineqartoq. Tamnnali iluatsinneqarsimanngilaq, soorlu aamma Jens Immanuerlsenip siunersiueqatigiinnermi tamanna ajornarnerarlugu oqaatigigaa.
Suleqatigiissitat allat aalisarneqarsinnaasunik amerlanerusunik ujaasissasut
Pisassiissutigineqartut umiatsiaararsortuinnarnut tunniunneqarput, Qeqertarsuullu Tunuani ukiumut aallaaqaammut TAC-ip saniatigut pisarineqarsimasut Qeqertarsuup Tunuani umiatsiaararsortunut pisassiissutinut ilanngunneqarput.
Naalakkersuisut aalajangersimapput, Namminersorlutik Oqartussani suleqatigiissitamik pilersitsisoqassasoq, suleqatigiissitaq ukiup naalernerata qaammataani pisasseeqqittarneq pinaveersaartinniarlugu ingerlatsinikkut aaqqiissutaasinnaasunik periarfissarsiuissaaq.
Erngertumik aalisartoqalersinnaassaaq, aalisarnerlu unitsinneqassaaq ukiumut pisassiissutigineqartut nungunneqarpata, Naalakkersuisut ilisimatitsipput.