Qilalukkanik toquinnakkanik pisimasoq nutaaq
2005-ini takornariat piniariartarfimmi qilalukkat qernertat toquinnakkat 11-t naammattoorpaat. Taamaallaat tuugaavi mattaallu piiarneqarsimapput.
Ataasiaannarluni pisimasuunngilaq piniartut qilalukkanik qernertanik piniariartarfimmut qimitsiinnartarnerat, tuugaavi, mattai neqaatalu ilamerngi kisiisa piiarlugit.
Qaammammi kingullermi Ittoqqortoormiit kujataanni Rømer Fjordimi qilalukkanik qernertanik 48-nik toqoraaginnarsimanermik pisimasoq Sermitsiap allaaserereeraalu pisimasoq tamatumunnga assingusoq saqqummerpoq.
2005-imi septemberip 16-ianni umiarsuarmi takornariartaammi »Professor Molchanov«-imi ilaasut inuttallu piniariartarfimmi Hjørnedalimi, Ittoqqortoormiinit 275 kilometerit missaannik kippasissusilimmi, qilalukkat 11-t naammattoorsimavaat.
- Ilaatuigut takuarput illiaq attorneqarsimanngitsoq. Ersarilluinnarpoq tuugaavi ilaanneeriarlunilu niaqua ilanngullugu piiarneqarsimasut. Qilalukkallu qernertat tamarmik tuugaavi piiarneqarsimapput neqimernanillu tigusisoqartarsimalluni, ilaallu neqimik peersiffigineqarsimanngivillutik, Morten Jørgensen, »Professor Molchanov«-imi angalanermi pisortaasoq nassuiaavoq.
Sermitsiaq Inuussutit atuaruk.