qimmit nappaataat
Qimmit nappaataanik ilimasunneq
Naajaani qimmit 20-t sinnillit juunip qaammataani toqunneqarsimapput.
Upernaviup nunaqarfiani Naajaani qimmit qimmit nappaataanik tuniluuttumik nappaateqarnerat ilimagineqarpoq.
Qimmit 20-it sinnillit juunip qaammataani nunaqarfimmi toqunneqarsimapput.
Kalaallit Nunaanni Uumasut Nakorsaqarfia Inuussutissalerinermullu Oqartussaaffik, UNIO, taama paasissutissiivoq.
Taamaattumik UNIO inassuteqarpoq Naajaani qimmit peqqittut tamarmik akiuussutissamik piaarnerpaamik kapitinneqassasut.
Pingaaruteqarluinnarporlu qimmeqatigiikkuutaat imminnut qaninnguussanngimmata.
Qimminik nappaatilinnik paasissutissaateqaraanni, uumasut@nanoq.gl imaluunniit +299 34 50 00 attaveqarnissaq, Kalaallit Nunaanni Uumasut Nakorsaqarfia Inuussutissalerinermullu Oqartussaaffimmit kaammaattuutigineqarpoq.
Ukioq kingulleq upernaajungaa Ilulissani, Saqqami, Qeqertamilu qimmit annertuumik qimmit nappaataanik eqqugaapput.