Qitornavissiamut tapersersuiffik
Facebookimi angajoqqaarsianut tapersersuiffimmi inuit 500-ungajaat tapersersuisutut nalunaaruteqarsimapput, nukappiaqqap qulinik qaammatillip angajoqqaarsiaanut, Qeqqata Kommuniata aalajangersimasaanut Sisimiuni aanaminut tunniunneqassasoq.
Tapersersuisoqatigiit aallartinneqarsimapput marsip 5-ianni, pisimasoq pillugu Sermitsiap allaaserisaa tunuliaqutaralugu. Ullut sisamaannaat ingerlareersut tapersersuisuni ilaasortat 496-inngorsimapput.
Amerlaqisut pisimasoq oqaaseqarfigaat, tapersersuisoqatigiillu akornanni oqallittoqangaatsiarpoq, kalaallisut qallunaatullu.
Nukappiaqqamik qulinik qaammatilimmik Maniitsumi angajoqqaarsianut inissinneqarsimasumik pisimasoq uninngatinneqarallarpoq, Qeqqata Kommuniata tamassuma tusagassiorfitsigut sammineqalernerujussua pissutigalugu pisimasoq erseqqinnerusumik misissorniarmagu, nukappiaqqap marsip 16-ianni Sisimiuni aanaminut ilisarisimanngisaminut nassiunneqannginnerani.
Nukappiaqqap arnaa ullumikkut Danmarkimi efterskolertoq, qaammatit pingasut killissarititap iluani peqqissimivoq ernermi qitornavissiartaartinneqarnissaanut akersisimagami, aatsaalli qaammaterpassuit qaangiuttut oqartussaasut meeraq ilaqutaanut utertinnialersimavaat.
Tapersersuisoqatigiit uani takusinnaavatit:
http://www.facebook.com/group.php?gid=55115025501 w