Royal Greenland aaqqiagiinnginnermi eqqartuussivimmut
KNAPK isumaqarpoq KNAPK-p aamma Royal Greenlandip akornanni tunngaviusumik isumaqatigiissut Royal Greenlandimit erseqqilluinnartumik eqqortinneqanngitsoq, taamaattumik siulersuisuunerit aalajangerput tamanna aaqqiagiinnginnermi eqqartuussivimmut ingerlatinniarlugu.
Annonse
KNAPK-mi siulersuisuunerit tallimanngornermi 26. juuni ataatsimiimmata KNAPK-p aamma Royal Greenland A/S-ip akornanni isumaqatigissut eqqartorneqarpoq.
Ataatsimiinnermi siulersuisuunerit inernilerpaat tunngaviusumik isumaqatigiissut erseqqilluinnartumik Royal Greenlandimit eqqortinneqarsimanngitsoq, taamaattumik KNAPK-mi siulersuisuunerit aalajangerput tamanna aaqqiagiinnginnermi eqqartuussivimmut ingerlatinniarlugu.
- KNAPK-mi siulersuisuunerit Royal Greenland A/S-imit nikanartumik isumaqatigiissutinillu unioqqutitsisumik pissusilersornera KNAPK-mit akuerisinnaanngilluinnarparput, KNAPK-mi siulittaasoq, Leif Fontaine tusagassiuutinut nalunaarummi allappoq.