Saarullik misissoqqisaarlugu
Atuartut Pinngortitaleriffimmi saarullinnik ammartiteripput quajaatinillu misissuillutik, pinngortitalerinermik ilisimasaqarnerulerniarlutik.
Sisamanngormat Nuummi Nuussuup Atuarfiani aamma Atuarfik Samuel Kleinschmidtimi atuartut 60-t Pinngortitaleriffimmi biologit silarsuaannik takuniaapput.
Ulloq naallugu takutinneqapoq qanoq annertutigisumik saarullinnik ilikkagaqartoqarsinnaanersoq ilaatigut ammarternerisigut. Tamatuma ssaniatigut quajaatininik mikroskopit atorlugit misissuipput aammalu Nuullu Kangerluani silap pissusiata allanngoriartorneranik saqqumiussinikkut ilinniartinneqarlutik.
Tamatuminnga suliniuteqartuupput Inerisaavik aamma Pinngortitaleriffik. Siunertaasimavoq atuartut ilisimatusarnerup silarsuaanik takutinnissaat.
– Ilisimatusarusussuseqarneq eqeersarusussimavarput, pingaartumik pinngortitalerinerup iluani, takutillugulu saarulliit allarpassuarnut qanoq atorneqarsinnaanersut, siatsivimmut iliinnarneraniit nerineraniillu, pinngortitalerinermi siunnersorti Lars Poort, Inerisaavimmeersoq, oqarpoq.