Kangilinnguit
Schweizimiut inunnik ikiuiniaqatigiiffiat soqutiginnippoq
Schweizimiut inunnik ikiuniaqatigiiffiata Kangilinnguani sakkutooqarfikup atortui atorusuppai
Inunnik ikiuiniaqatigiiffik 3hf Schweizimi najugalik Nunatsinni immikkoortoqarfiliorniarluni pilersaaruteqarpoq. Kalaallit Nunaanni suliniummi pisortaavoq Hansjürg Hess.
– Pingaarnerutillugu siunertaraarput pinngortitamik ilinniarfimmik pilitsitsinissaq, ilaatigut nunamut naggorissumut eqqagassat organiskiusut ilanngullugit, Hansjürg Hess juunip 26-anni Forsvarets Bygnings- og Etablissementjeneste-mut, Hjørringimiittumut, allappoq. Hansjürg Hess ataatsimiinnissamik qinnuteqarpoq. Sakkutuut qullersaqarfiat suli akisimanngilaq.
3hf-p suliniut tamanna Nuup Kangerluani Kapisillit akianni Neriusami ingerlanniareerpaa. Hansjürg Hess-illi Kangilinnguiani atortut atorusunnerugaluarpai.
Peter Barfoed, Kangilinnguup atatiinnarneqarnissaa pillugu maanna atsiornernik katersuisoq, oqarpoq naatsorsuutigalugu Hansjürg Hess septembarimi Kangilinnguani naapikkumaarlugu, Rasmus C. Rasmussen Qaqortumeersoq peqatigaluguæ.
Ilanngullugu atuarneqarsinnaavoq 3hf-ip pinngortitamik ilinniarfimmik Nunatsinni pilersitsinissaminik pilersaarutai. Sakkutuut qullersaqarfiat akuersissappat ilinniarfik taanna Kangilinnguanut nuunniarpaa.