Demokraatit
Sermersooq Kitaani nutaamik siulittaasortaarpoq
Demokraatit nunap immikkoortuini immikkoortortaasa annersaat nutaarluinnarnik siulersuisortaarpoq
Rasmus Dalsgaard Andersen ataasinngormat febraarip ulluisa arfineq-pingajuanni ataatsimiinnermi Demokraatit Sermersooq Kitaani siulittaasutut qinerneqarpoq.
Atuaruk: Inuusuttuni siulittaasutut tunualersoq: Siumut taamaattumik peqatigaarput
Siulersuisut nutaat
Siulersuisunut ilaasortanngortut allat tassapput Jens B. Frederiksen, Karen M. Lynge, Jeppe Carstensen aamma Jens Frederik Nielsen.
Sinniisussatut qinerneqarput Karl Peter Herlufsen, Aviaaja M. Sinkbæk aamma Mike K. Andersen.
Nuna tamakkerlugu ataatsimiinneq
Siulersuisunngorlaat ataatsimeerngaassapput pingasunngorpat februaarip qulingani, ilaatigut oqallisigissallugu Demokraatit immikkut ittumik nuna tamakkerlugu ulloq 13. februaari ataatsimiinnissaanut tunngatillugu immikkoortortap isummernissaa.
Tassani siulittaasumik nutaamik taasisoqassaaq, qineqqusaartullu pingasuupput. Partiimi siulittaasuugallartoq aamma Naalakkersuisunut ilaasortaq Randi Vestergaard Evaldsen, Justus Hansen, Inatsisartunut aamma Kommuneqarfik Sermersuumi borgmesterip tullersortaa siulleq, kiisalu Poul Hansen, Sermersuumi kommunalbestyrelsimut ilaasortaq.
Aamma atuakkit:
Qineqqusaartup nutaap suleqatigiinneq aamma tatiginassuseq qineqqusaarutigai
Justus Hansen: Siumut suleqatigilluarpara