nunaqarfiit
Sermersooq: Nunaqarfinnut aningaasaliissutit ikinnerunngitsut
Kommunip karsianit nunaqarfinnut aningaasaliissutit ikinnerulernianngillat, Kommuneqarfik Sermersooq ilisimatitsivoq
Kommuneqarfik Sermersuumit nunaqarfinnut immikkoortunut pilersaarut, Sermitsiaq.AG-p allagaatinik takunnikkumalluni pissarsiarisaa naapertorlugu, kommunip nunaqarfiini innuttaasut nunaqarfiit ingerlanneqarnerinut siunissami aningaasat ikinnerulernissaat naatsorsuutigissavaat.
Sumiiffinni arlalinni nunaqarfiit ingerlanneqarnerinut aningaasartuutit amerleriarujussuarsimasut, kommunit nunaqarfiini atukkat misissoqqissaarneqarnerisa takutippaat. Taanna ''Kommuni oqimaaqatigiittoq. Nunaqarfinnut immikkoortunut pilersaartut 2017-2021'', Sermitsiaq.AG-p allagaatinik takunnikkumanermini pissarsiarisaani takuneqarsinnaavoq.
Atuaruk: Illoqarfiit pingaarnersaata kommunia: Nunaqarfiit akikinnerusariaqarput
Millioninik marlunnik kisitsisitalinnik nunaqarfinnut aningaasaliineq
Kisianni Kommuneqarfik Sermersooq naapertorlugu nunaqarfinnut aningaasat ikilisinneqarnissaat eqqortuunngilaq.
- Killormulli pisoqarpoq. Nunaqarfinni sanaartornernut pilersaarutinut aningaasat 38 millioner koruunit missaanniittut Kommuneqarfik Sermersuup sanaartornernut missigersuutaannit 2017-mi atugassatut immikkoortippai, kommuni tusagassiuutinut nalunaarummi erseqqissaavoq.
Atuaruk: Nunatta oqaluttuarisaanerani inissianut pilersaarut annerpaaq
Suliarineqangajalersoq
- Ilumoorpoq Nunaqarfiit pillugit immikkoortumut pilersaarut kommunip ingerlatsinermut aningaasartuutaannut takussutissiimmat, tamanna siunertaqarpoq nunaqarfinnut sullissinerup naammaginartumik ingerlaannarnissaanik, taamaattumillu qanoq annertutigisunik aningaasaliiffigineqarnissaa aalajangiinermi siunnersuutaanani, Kommuneqarfik Sermersooq allappoq.
Atuaruk: Kommunissinni akisussaaffimmik tigusigitsi
Pilersaarut aningaasaqarnermut ataatsimiititaliamit februaarip 27-anni siullermeerluni suliarineqassaaq tamatumalu kingorna kommunalbestyrelsip martsip 7-anni ataatsimiinneranni suliarineqassasoq, kommunip naatsorsuutigaa.
- Tassalu kommunalbestyrelsimit suliarineqareerpat, ”Nunaqarfiit pillugit immikkoortumut pilersaarut 2017-2021”-mut atuuttussaq akuersissutigineqassalluni, Kommuneqarfik Sermersooq ilisimatitsivoq.
Atuaruk: Wæver: Asii oqaluttualiarpalaartumiippoq