kajumissaarut
Sermersuumi illuatungiuliuttut: Kanukokamiiginnaritsi
Kommuneqarfik Sermersuumi kommuneqarfimmik aqutsisut suleqatigiinnissamik ujartuinikkut Peter Davidsenip Siumumeersup kommunit kattuffianiiginnaqqullugit kajumissaarpai
Kommuneqarfik Sermersuumi kommunalbestyrelsip kommunit kattuffiannit Kanukokamit aninissartik aalajangiusimallugu oqariartuutigeqqammerpaat.
Tamannali iliuusissaq eqqortuunngitsoq, kommunalbestyrelsimi illuatungiliuttut Siumut aamma Atassut isumaqarput.
- Kommunalbestyrelsi suleqatigiinnissamik ujartuineratigut periarfissanik nassaarsinnaassaaq. Naluneqanngilarmi Kanukoka ammasumik suleqatigiinnissamut ujartuisoq nunatsinni kommunini innuttaasut ataatsimoornissaat anguniarlugu, kommunalbestyrelsimi ilaasortaq Peter Davidsen Siumumeersoq, partiini aamma Atassut sinnerlugit erseqqissaavoq.
Ingerlatsineq allanngorneqartoq
Taassuma tikkuarpaa, Kanukokami ingerlatsineq nutarterneqartoq, Sermersuumi kommunalbestyrelsip siornatigut ujartorsimasaa malillugu.
- Kanukokap pingaartitai kommunimut pingaaruteqartorujussuupput, Peter Davidsen oqarpoq.
Aamma atuakkit:
Kanukokap Sermersooq qinnuigaa: Kalaallit Nunaanni ataatsimooqatigiinnermit aninak
Taamaammat Sermersooq suli Kanukokamit aninngilaq
Sermersooq Kanukokami ilaasortaajunnaarpoq