silaannaap kissatsikkiartornera
Sermersuup aakkiartorneranik pissutaasumik nutaamik ilisimatusartut nassaarput
Ilisimatuutut misissuisut Danmarkimeersut Canadameersullu takutippaat, kiassuup aakkiartorneq annertunerusumik sunniuteqartartoq
Seqerngup qaamarnga kisimiinnaanngitsoq, kisianni aamma aasaanerani silaannaq kissartoq isugutattorlu, Sermersuup aakkiartorneranut sukkatsisaasuusarput.
Ilisimatuutut misissuinermi tamanna takuneqarsinnaavoq, taanna qallunaanit aamma canadamiunit ilisimatusartunit kiassuarnit aallaaveqartunit juulimi 2012-imi misissuinernit tunuliaqutaqarpoq, taamani nalinginnaanngitsumi aamma isugutattumik silaannaqartumik Sermersuarmi anorlerpoq. DMI.dk taama allappoq.
Atuaruk: DMI-p ukiut 85-t qaangiuppata silassaq siulittuutigaa
Annertuumik aakkiartortoq
Immikkoortumi ataatsimi ilisimatuutut misissuisut uuttortarpaat, ullormut 28 centimeterinik aakkiartortartoq. Sermersuup aakkiartornerani uuttortarneqarsimasuni tamanna annertunersaavoq. Taakku pisut marluk katillugu ulluni arfiniliinnarni sivisussuseqaraluartut, taakku ukioq tamaat aakkiartornerup 14 procenterai.
Ilisimatuutut misissuineq ilisimatusarnerup klimamodellinut siunissami aakkiartornerup allanneqartarneranut atorneqartarneranut sunniuteqarpoq. Misissuinermi ilisimatuut takutippaat, modellit taakku maanna atorneqartut, pissutsit nalinginnaasuni piviusorsiortittaraat, kiassuaarneranili isugutanneranilu aakkiartornera annikinaartaraat.