Silami ernguttarneq peqatigiilluta unitsissavarput
– Uge 18-mut atatillugu inersimasut meeqqallu silami imertarnerup tujorminartuunera nittarsaanniarlugu Brugsenip silataani akerliussutsimik takutitsisut sapeeqaat pikkoreqalutillu, , taama oqarpoq Nuup borgmesteria Agnethe Davidsen.
Borgmester Agnethe Davidsen sapaatip akunnerisa 18-annut atatillugu meeqqat inersimasullu silami maniinnaq ernguttarnermut akerliussutsimik takutitsisut taperserpai. Agnethe Davidsenip ilanngullugu angisuumik innuttaasunut kaammattuutigaa Nuummiut sapinngisamik amerlanerpaat peqatigiillutik ikioqatigiillutillu ajornartorsiut qanngerniarneqartariaqaleraat.
- Ajoraluartumilli silami imertarnerup inerteqqutinngortinnissaa qanorluunniit inatsisiliuutsigigaluarutsigu iluaqutaanavianngitsoq nassuerutigisariaqarparput, imerfinnut uteqqittuartarmata, taama oqarpoq Nuup borgmesteria Agnethe Davidsen.
– Ukiut ingerlanerini upernaakkut aasakkullu silami maaniinnaq ernguttarneq millisarniarlugu arlalitsigut iliuuseqartarpunga - aamma nammineq ornillugit ilaat oqaluuttarpakka, iluatsinngisaannarpungali, taamaattumik illoqarfeqartikka ikiortiseraakka. Immikkoortitaarata ataatsimoorlutali maaniinnaq ernguttarneq minnerunngitsumik meerartatsinnut takussunaqisoq suleqatigiiffigisariaqalerparput, ikioqatigiinngikkutta qaqugorsuarmut meerartagut isiginerlutsinneqartuassapput, naggasiivoq Nuup borgmesteria Agnethe Davidsen.