Air Greenland
Silap ajornerata silaannakkut angallanneq ajornartorsiortippaa
Nuumminngaanniit aammalu Nuummut timmisartuussinissat tamarmik taamaatinneqarput. Illoqarfiit allat marluk aamma anorlerneranik eqqugaaqqapput
Sakkortuumik anorlernera pissutigalugu Nuummit, Paamiunit aamma Maniitsumit timmisartuussinissat kinguarsarneqarput.
Ullumikkut aamma ippassaq timmisartuussinissaagaluanut ilaasussat timmisartuunneqarnissaat arfininngornermut nuunneqartut, timmisartuusseqatigiiffik ilisimatitsivoq.
- Ilaasussat kinguaattoornermit eqqorneqartut arfininngorpat apuuffissaannut apuunniarlugit periarfissat tamarmik atorneqassapput – taamaaliornikkut ilaasussat silap ajornera pissutigalugu eqqorneqartut apuuffissaminnut arfininngorpat apuunnissaat naatsorsuutigineqarpoq, Air Greenland nalunaarpoq.
Avannaa Kujataalu eqqugaanngillat
Avannaani Kujataanilu sila ajunnginnerumaarpoq, taamattumik ullormut timmisartuussinissanut pilersaarutit ingerlanneqarnissaat naatsorsuutigineqarpoq, Air Greenland ilisimatitsivoq.
Ilaasussaagaluit angalanissamik allannguutaat pillugit smsikkut, mailikkut imaluunniit sianerfigalugit ilisimatinneqartut timmisartuutileqatigiiffik nalunaarpoq. Aamma malinaasoqarsinnaavoq, ugguuna airgreenland.gl