Nuuk
Sinittut iserfigalugit tillinniartartut
Piffissami sivikitsuinnarmi angerlarsimaffimmi inui sinittunik tillinniarnernik arlalinnik Nuummi politiit nalunaarfigineqarsimapput
Annonse
Innartinnasi matup parnaarnissaa eqqaamallugu.
Inassuteqaat tamanna soqutaarpasinngissiaavoq, pisariaqarlunili.
Nuummi politiit januaarip 7-anni 8-annilu illuni inissianilu pingasuni, inuttaat sinittut, tillinniarfigineqarsimasunik nalunaarfigineqarsimapput.
Tillinniat
– Matumuuna Nuummi innuttaasut kajumissaassavsagut unnukkut matutik parnaartaqqullugit, qularnanngitsumik tillinniaq ataaseq arlallilluunniit unnuakkut angalaartarmata matunik parnaarsimanngitsunik ujaasilutik, Nuummi Politiini pigaartut pisortaat Katrine Johnsen mianersoqqusivoq.