Inatsisartut
Siumut eqqissisaavoq: Suli ataatsimoorpugut
Politikkikkut anguniakkanik allannguisoqanngitsoq, taamatullu naalakkersuisoqatigiit sulinerannik allannguuteqartoqanngitsoq, Siumup Inatsisartuni gruppiata erseqqissaatigaa.
- Siumumiit Naalakkersuinikkut anguniakkavut suliassatullu siunnerfivut allannguuteqanngillat, ataatsimoorluta suliavut ingerlateqqissavagut.
Siumimi naalakkersuinikkut oqaaseqartartoq, Jess Svane, tusagassiuutinut nalunaarummi taama oqarpoq.
Atuaruk: Vittus Qujaukitsoq: Naalakkersuisunit tunuarpunga
Politikkikkut anguniakkat taakku
- Ajuusaarnaraluartumik pisoq nalerorlugu Naalakkersuisunut ilaasortaq (Vittus Qujaukitsoq, aaqq.) ataaseq nammineerluni tunuarpoq, Naalakkersuisut siulittaasuata naleqqussaaqqinnissaanik pisariaqalersitsisumik, Jess Svane oqarpoq.
Vittus Qujaukitsoq naalakkersuisutut tunuaraluartoq sulineq ingerlaqqittoq, taanna oqarpoq.
Atuaruk: Karl-Kristian Kruse naalakkersuisunngoqqittoq
- Siumup inatsisartuni gruppianiit erseqqissassavarput politikkikkut anguniakkavut naalakkersuisoqatigiinnilu suliavut allannguuteqanngimmata suliarinerallu ingerlaqqissalluni, Jess Svane erseqqissaavoq.
- Taamaammat Siumumiit Naalakkersuisoqatigiinni ataatsimoorluta suleqatigiilluarluta ingerlaqqinnissarput qilanaaraarput, Jess Svane oqarpoq.