Siumut: Nuummi aalisartut ajornerpaamik atugassaqartinneqarput
Nuummi aalisartut sineriatsinnutsanilliullugit ajornerusumik atugassaqatinneqarput, taamatut isumaqarpoq Siumut sinnerlugu Kommuneqarfik Sermersuumi kommunalbestyrelsimut qinigassanngortittoq Peter Davidsen.
Peter Davidsenip illoqarfiit pingaarnersaata kommuniani innutttaasunut iluaqutaasussamik aalisarnermut piniarnermullu politikkeqartoqarnissaa ujartorpaa.
- Politikkissami talittarfeqarneq, tunitsiveqarneq, niuerneq inuusuttullu periarfissaqarnissaat ilaatigut tikinneqassapput, Peter Davidsen isumaqartoq SIKUKI talittarfissuaq najukkami aalisartunut iluaqutaanani sineriatsinnut pilersuinissamut atortussaatitaasoq allappoq.
- Nuummi aalisartut sineriatsinnut sanilliullugit ajornerusumik atugassaqassanngillat, pingaartumik talittarfik nunatsinnut tamarmut pilersuisussatut inissisimasoq pineqartillugu. Taamaattumik susassaqartut peqatigalugit aaqqiiffigineqarnissaa sulissutigissavarput, Peter Davidsen kommunalbestyrelsimi ullumi ilaasortaasoq qinigaaqqinniarlunilu qinigassanngortittoq oqarpoq.
Pikkorissaanerit
Taassuma oqaatigaa, aalisakkat takkusimaarnerini tunitsivinni sulisussaaleqisarneq anigorniarlugu sulisut sulisinnaasullu piginnaasaannik qaffassaalluni pikkorissaasoqassasoq, tassungalu atatillugu innersuussutigalugu Paamiuni Royal Greenlanip aalisakkeriutaani taamatut ingerlatsisoqarsimanera.
Piniartutut inuussutissarsiuteqartut eqqarsaatigalugit oqaatigaa, ”piniartut suliarilluakkanik kajuminnartunillu tusanisaqartarniassammata” kalaaliminernik tuniniaaviit (Kalaaliaqqat) pitsaasumik pilersuinissamut suliarinneqqaartarfeqassasut.
Taanna aamma isumaqarpoq, kommuni Namminersorlutik Oqartussanik suleqateqarluni Kangiani aalisarnermik siuarsaassasoq, nunaqarfimmut iluaqutaasussamik misileraalluni aalisartoqartarnissaanut pilersaarusiortoqassalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...