Saqqaq
SMS oqarasuaammi angallattakkami kisimi atorneqarneq ajorpoq
Nunaqarfimmi Saqqami SMS festivalertoqassaaq
Tupermi angisuumi oqallittoqarlunilu nuannattoqassaaq Saqqami, Ilulissat avannaaniittumi.
Saqqaq Midnight Sun-festival sapaatip akunnerata tulliani ingerlanneqassaaq.
Festivali ukiut tamaasa ingerlanneqartarpoq, Qeqertarsuup Tunuanit inuusuttut peqataaffigisarlugu. Festivalertoqarnerani imigassartoqqusaananilu aanngajaarniutinik atuisoqaqqusaanngilaq. Festivali sisamanngorpat aallartissaaq.
Assigiinngitsorpassuarnilli aliikkusersuisoqassaaq, inuusuttullu aamma inuiaqatigiit pillugit paasititsiniaaffigineqassallutik.
- Inuusuttuaqqat peqataajartortut aalangersimasunik sammisassaqartinneqartarput workshoppimi inuttut ilisimasassanik aammalu anersaakkut immersorneqartarlutik inuunerup peqqissumik nuannaarlunilu atungassaanera qaammarsaatingalugu, SMS festivalimi aaqqissueqataasoq Nikku Olsen oqarpoq.
Sisamanngornermit arfininngorneq ilanngullugu festivalertoqassaaq.