Vittumut tunngasut
Taasititsineq: Vittu soraarsilli!
Vittus Qujaukitsoq nunanut allanut tunngasunut naalakkersuisutut tunuartinneqartariaqartoq Sermitsiaq.ag-mi taasititsisoqarmat taasisut affai isumaqarput. Nersualaarisoqarporli aamma
Vittus Qujaukitsup (S) Danmarkimut suleqateqarneq pillugu isummersoreersorlu isornartorsiuinerit tapersiinerillu qisuariaatigineqarput.
Atuaruk: Vittu nersualaassava isornartorsiorneqassavaluunniit?
Vittu tunuarnissaa affaasa taavaat
Sermitsiaq.ag-mi taasititsineq ippassarli ingerlanneqartumi tamanna paasinarsivoq.
Inuit 2.267-t taasisimapput, taakkunanngalu Qujaukitsup Kalaallit Nunaat sinnerlugu nunanut allanut suliunnaassasoq isumaqarput.
Atuaruk: Sara: - Oqalorujussanngilagut
'Naluara'-mik taasisut peeraanni 50 procenteqqissaasa Vittus Qujaukitsoq tunuartariaqartoq soraarsinneqartariaqartorluunniit isumaqarput.
29 procentit nersualaarinnipput
Taasisulli amerlasuut aamma nersualaarinnipput. Tassa taasisut pingasoraaterutaasa pissutsit suaarutigineqartariaqartut isumaqarmata. Kisitsisinngorlugit 29 procentiullutik taama isumaqartut.
Atuaruk: Vittup Danmark USA-lu sioorasaarpai
Taaseqataasulli ikinnerussuteqartut ilai illuatungerluinnaanik isumaqarput. Taakku naapeqatigiinniartoqarnissaanik isumaqaramik.
Naaperiartoqassasoq arlaqanngitsut piumasaraat
Taasisut 12 procentiisa Vittus Qujaukitsoq assuarlerneqartariaqartoq isumaqarput. 8 procentillu killiligaanani oqaaseqarsinnaatitaasariaqartoq namminerlu isummersinnaasariaqarnerarlugu.
Pisoq pillugu allaaserisat uani takusinnaavatit
2 procentit nalunerarpaat qanoq isumaqarnerlutik.
Erseqqissaatigissavarput nittartakkatigut taasititsineq inuiaqatigiit sinnerlugit isummersornerunngimmat. Kikkut peqataarusunnersut peqataarusunnginnersullu apeqqutaalluinnarmat. Isumaqataasut akerliusullu nuna tamaat isigalugu allatorluinnaq inerneqarsinnaammata.