Qeqqata
Takornariaq maqaasineqartoq
Politiit takornariaq Hong Kongimeersoq ujarpaat, taanna juulip 14-ani kingullermik takuneqarpoq
Yat Wui Cheung Hong Kongimeersoq, Tuluit Nunaanni visummeqarluni angalasoq, politiit maanna ujarpaat.
Taanna ujarneqartoq juulip 14-ani Sisimiunit Kangerlussuarmut aqqummi Arctic Circle Trailimi kingullermik takuneqarpoq, tassani Eqalugaarniarfiup eqqaani illuaqqamiissimavoq, politiit ilisimatitsipput.
Suliartunngitsoq
Maqaasineqartoq suliartorsimanngimmat attaveqartarsimanngimmallu ilaqutaasut ernumanerat pissutigalugu Sermersuumi Politiit City of London Policemit juulip ulluisa 20-anni attavigineqarsimapput, tassanilu ujaasineq aallartippoq.
Yat Wui Cheung Kangerlussuarmit Københavnimut juulip 18-ani bilitseqaraluarpoq.
Maqaasineqartoq
- 27-nik ukioqarpoq
- Isaruaqarpoq
- Kavaajamillu sungaartumik atugaqarsinnaalluni
-
sungaartoq aappaluaartumik nammattagaqarsinnaavoq nassataqarpallaarnanilu
Qulimiguulimmik ujarneqartoq
Maanna Sisimiut Kangerlussuullu akornanni Air Greenlandip qulimiguuliutaanik ujaarlertoqarpoq.
Takornariamut maqaasineqartumut paasissutissaatillit Sisimiuni politiinnut politiinulluunniit qaninnernut saaffiginneqquneqarput. Sisimiuni politiit oqarasuaataasa normoraat 701322.