Tamassa
Tamassa Sisimiunit takutinneqartalissaaq
KNR aamma Sisimiut TV suleqatigeeqqilersut
KNR-ip TV-kut aallakaatittagaa nuannarineqarluartoq Tamassa septembarip aallaqqaataa aallarnerfigalugu Sisimiut TV-anni suliarineqartalissaaq. Tamassami aqutsisuulissaaq tusagassiortoq Jonna Lynge.
Aallakaatitassianik assigiinngitsunik aamma aallakaatitsisoqartassaaq.
KNR TV-ip ukiuni arlaqartuni Tamassa aallakaatittareerpaa, aallakaatitassiortarnerlu arlaleriarluni nuunneqartareerluni. Katuami aallakaatinneqartarnikuuvoq aammalu KNR-ip aallakaatitsisarfittaavani aallakaatinneqartareerluni. Tamassa decembarip tungaanut Sisimiuni aallakaatinneqartassaaq.
Taamatut aallakaatitassiornermut Jonna Lynge piukkunnarluinnarpoq. Aallakaatitassat allannguuteqarpallaaratik ingerlaannarnissaat isiginnaartartut naatsorsuutigisinnaavaat, kisianni kiinnat tunuliaquttallu nutaat takuneqarsinnaassapput, tassami aallakaatitsinerit kulturip illorsuaniit Taseralimmiit aallakaatinneqartalissapput, aaqqissuisoq Heidi Møller Isaksen nalunaarpoq.