Tunu
Tasiilami aserorterisarnerit ajornartorsiutigineqangaatsiarput
Tillinniartarnerit, aserorterisarnerit naamaartaarnerillu pinngitsoortinniarlugit Tunup illoqarfiani videokkut nakkutilliissutit ikkussorneqassapput
Nutaarsiassaqartitsinermik kiffaartuussivik KNR, ataasinngormat allappoq, tillinniartarnerit, aserorterisarnerit naamaartarnerillu Tasiilap umiarsualiviani ajornartorsiutigineqangaatsiartut.
Susassaqanngitsulli pinngitsoortinniarlugit videot nakkutilliissutit ikkussorneqarnialerput.
- Unnuami taartumi umiatsiani serlersaarisoqartarpoq, benzinamik navianartorujummik naamaartoqartarpoq aserorterisoqartarlunilu, najukkami ataatsimiititaliami ilaasortaq, Ole Nuko, KNR-imut oqarpoq.
Najukkami ataatsimiititaliaq aningaasanik 126.000 koruuninik ukioq manna missingersuummi ataatsimiititaliap atugassaralui atorneqanngitsoorsimasut paasisimavaa. Aningaasallu taakku vidokkut nakkutilliissummik nakkutilliissutilluunniit marlunnik ikkussuisoqarnissaannut immikkoortinneqarput.