Tasiilami suliassarpassuit ikileriartut
Danmarkimit siorna pinasuartumik ikiorsiissutit 5,3 millioner koruunit kingunerisaannikullumikkut suliassat nutaat isiginiarneqarsinnaalersimapput qaleriiaanullu iliinnarnagitiliuuseqarfigineqarsinnaalersimallutik.
Naalakkersuisut Danmarkimi naalakkersuisunut Kalaallit Nunaanni meeqqat inuusuttullu
aarlerinartorsiortut suliniuteqarfigineqarnerisa nukittorsarneqarnissaanut ikioqqullutik
septembarimi 2019-imi saaffiginnipput, tamatumalu kingorna Folketingi Kalaallit Nunaannut
pinasuartumik ikiorsiissutitut 5,3 millioner koruuninik immikkoortitsilluni. Taamatut aviisi Sermitsiaq allappoq.
Aningaasat ilaatigut misiliutitut suliniummut Naalakkersuisut aallartikkusussimasaannut,
suliamik ilimasaqartut pinasuartumik ikiuuttartoqatigiinnik inuttaqartumut, suliassarpassuit
qaleriiaaginnalersimasut ikilisarniarlugit kiisalu meeqqanut inuusuttunullu Tasiilami
kinguaassiuutitigut atornerlugaasimasunut nakuuserfigineqarsimasunulluunniit
katsorsaanermik suliaqarnermikkut Kommuneqarfik Sermersuumut ikiuuttussanut,
atorneqartussaapput.
Suliassat nutaat piffissaqarfigineqalersut
Isumaginninnermut, Ilaqutariinnermut Inatsisinillu Atuutsitsinermut Naalakkersuisup,
Martha Abelsenip (S) aamma Danmarkimi isumaginninnermut nunamullu namminermut
ministerip Astrid Kragip (S) nalunaarusiamik aaqqiissutissanik siunnerfilinnik 16-inik
ataatsimut katillutik Kalaallit Nunaanni meeqqaat inuusuttullu aarlerinartorsiortut
inuunerinnerusumik peqqinnarnerusumillu ineriartornissaannut pilersitseqataasussanik
imaqartumik aggustip 21-ani saqqummersumik ilisarititsinerannut atatillugu oqaatigineqarpoq, Tasiilami pinasuartumik iliuuseqarneq siorna aallartittoq
ingerlalluarsimasoq taamaalillunilu suliassat qaleriiaaginnalersimasut
ikilisinneqarsinnaasimasut.
Taamaammat suliassat nutaat ullumikkut takkuttut isiginiarneqarsinnaalersimapput, suliassanullu suliarineqaratik qaleriissanngorsimasunut siornatigutut iliinnarneqaratik, iliuuseqarfigineqarsinnaanngorsimallutik.
Tasiilami pinasuartumik iliuuseqarneq siorna decembarimi aallartipparput taamanilu
paasillugu suliassat qaleriissanngorsimasut ikilisinneqarsinnaasut. Tamannali isumaqarpoq Tasiilami meeqqat amerlanerusut ilaqutariillu amerlanerusut ikiorneqarnissamik pisariaqartitsinerannik. Aallartinnermiit maanna qaammatit arfineq-marluk arfineq-pingasut qaangiunneranni tamanna suli anguneqarsimanngilaq, kisianni ingerlasoqarpoq.
Oqaluttuarineqartoq tamaat Sermitsiami atuaruk