Tasiilami talittarfik allineqartoq
Qaartiterisoqarpoq, assaasoqarpoq qajannaallisaasoqarluni Tasiilami talittarfik umiarsuup tikittussap siulliup 26. juni tikinnginnerani talittarfiup allissutissaata qajannaallisarnissaatalu naammassinissaanut.
Annonse
Ukiumut umiarsuit tikittartut arfineq-pingasuusarmata pisariaqarpoq containerinut aamma maskiinanut angisuunut oqimaatsunullu containerinik kivitsissutissanut inissaqartitsinissaq.
Royal Arctic Bygdeservicemi umiarsualiviup pisortaa Gaba Kristiansen ilisimatitsivoq suliaq tassaasoq talittarfiup eqqaani betonilersuinissaq.
- Toqqavik qajannaannerulerpat taava containerit tallimat qaleriissinnaalissavagut, maannakkut pingasuinnaat qaleriissinnaavagut, Gaba Kristiansen oqarpoq.