Tasiorta matoqqassaaq
Tasiortap siunnersuisarfia ilinniarsimasunik ingerlanneqartoq »141« aasaanerani sulinngiffeqarnermi matoqqassaaq.
Tasiortap siunnersuisarfia ilinniarsimasunik ingerlanneqartoq »141« aasaanerani sulinngiffeqarnermi 1. juulimiit 3. aggusti ilanngullugu matoqqassaaq.
– Kisiaanni Tasiortap saaffiginninnittarfia ammaqqissaaq marlunngorneq 4. aggusti Tasiortap siulittaasua, Arnaq Grønvold, tusagassiorfitsigut nalunaaruteqarluni allappoq.
Tasiorta oktobarimi 2008 ammarpoq tamanikkorniilli arnat 60-it kiisalu angutit 35-t Tasiortamut saaffiginnissimapput kinguaassiutitsigut atornerluinermut tunngasumik.
– Kisitsisitigut takutinneqarpoq suli kinguaassiutitigut atornerlunneqarsimanerup kingunerisaanut tunngatillugu suliniarneq pisariaqartinneqartoq kiisalu Tasiortamit Naalakkersuisut nutaat suleqatiginissaat qilanaaraarpoq, eqqorneqarsimasunik katsorsaanerup aamma tapersersorneqarnissamut periarfissat pitsanngorsarneqarnissaat eqqarsaatigalugit, siulittaasoq Arnaq Grønvold allappoq.