Tele-Post: Upernavimmiit avannamut attaviluppoq
Nunatta avannaani silarluttaqattaanerata kinguneranik Upernavimmiit avannamut radiukkut attaveqarniarnerit sakkortuumik killilersorneqarput, attaveerutivissinnaanerallu aarleqqutigineqarpoq
Allaaserineqartoq nalunaaqutaq nutarterneqarpoq nalunaaqutaq 16.07
- Attaviit tamarmik sullitallu tamarmik eqqorneqarput.
Radiokæde aamma attaviit allat Upernavimmiit avannamut eqqorneqareersut Tele-Post tusagassiutinut nalunaarummi allappoq.
Qaammataasanut attaviit sukkanerpaamik Tele-Postip allanngortitserpai, kisiannili sullissinerni aqqutit sukkassutsillu arriilisimaarallassapput.
Aaqqissuussineq
- Radiokædip aaqqissuunneqarnerani qaammataasanut attavinni backupitut sillimmatit atorneqarsinnaasut annikittuinnaapput, tamannalu peqqutaavoq killilersuigallalernermut. Attaviugallartuni aqqutit killeqartut oqaloqatigiinninnernut atorneqarnissaat aamma inuiaqatigiinnut pingaaruteqarluinnartunut sullissinernut, assersuutigalugu sinerissami radiunut, atorneqarnissaat qulakkeerniarneqarpoq, nalunaarutigineqarpoq.
Teknikkinut aamma IT-nut pisortaq Jonas Hasselriis ima oqarpoq:
- Sapinngisarput tamaat iliuuseqarpugut Upernavimmiit avannamut attaveqaqqilernissaa anguniarlugu, akornusersuisoqarneralu sullitatsinnut ajuusaarutigisorujussuuvarput. Attaviit tamarmik atorteqqilernissaannut sulisuvut pikkorissut ulappupput, neriuppugullu silap akornusersussanngikkaatigut.
Radiokkut attaveqarniarnerup kipisaqattaarneranut nittaangaatsiarnera sermernarujussuarneralu peqqutaanerpaassangatinneqarput. Upernavimmit avannamut attaveqaatit attaveqaleqqinnissaat Tele-Postimeersut sapinngisartik tamaat maanna sulissutigaat, nalunaarutigineqarpoq.