Tillie: Isumaginnittoqarfik ikiornissaqarani ikuallappoq
Isumaginninnerup iluani ajornartorsiutit aaqqiivigineqapallannissaat anguniarlugu, Tillie Martinussenip (SUL) Naalakkersuisut kommunenut immikkut ikiueqqullugit kaammattorpai.
Tillie Martinussenip nalunaarnera naapertorlugu inunnik isumaginnittoqarfik aallaaviuvoq “ima aseqqukuutigisoq allaat suut tamarmik sussaajunnaalerlutik.”
Kommuneqarfik Sermersuumi isumaginninnermut aqutsisoqarfik ajunngitsup tungaanut ingerlasoq, isumaginninnerulli iluani ajornartorsiutit aaqqitassat arlallit suli amigaatigineqartut pillugit nalunaarusiortoqareersorlu, isornartorsiuilluni nalunaarpoq.
Tillie Martinussenip ajunngitsup tungaanut ingerlanermik oqariartuuteqarneq naammaginngilaa, aaqqinneqartariaqartut suli amerlammata.
- Tamakku tamarmik toqqorneqartarput unitsinneqarallartarlutillu "ajunngitsup tungaanut ingerlagatta". Kingaappallaamilli ingerlasoqarpoq. Innuttaasut ukioq manna arlaleriarlutik akerliussutsimik takutitsillutik angalaartarput. Ilaatigut erseqqissaatigiumallugu meeqqeriviit ingerlanerlunnersuat, isumassuinermik suliallit suleruluttitaanerat, aningaasaliissutit ikippallaarnerat, sulisut ikippallaarnerat, suliniutillu atorsinnaasut ikippallaarnerat, Tillie Martinussen tusagassiutinut nalunaarummini allappoq.
Kommunit aningaasaliiffigineqarlik
Tillie Martinussen isumaqarpoq, meeqqat ukiuannik taasiinnarnikkut, kommunimili isumaginninnerup iluani aningaasaliisannginnikkut, Naalakkersuisut akikippallaamik unitsiinnarneqartartut.
- Kommunit aningaasaliiffigalugit ikiorsigit, aningaasat meeqqanut ikiuunnissanut atortussanngortillugit, inunnillu isumaginninnermi suleqatigiinnissaq salliutilaarsiuk, Tillie Martinussen allappoq.