Timmisartorsuaq ullup aappassaannik taamaatiinnarneqartoq
Air Greenlandip ullup aappassaanik Atlantiku qulaallugu timmiartoq Københavnip Kangerlussuullu akornanni timmisartuussisartup angalanissaa taamaatiinnarpaa.
Ilaasut sisamanngormat kinguaattooqqasut neriorsorneqarput, tallimanngornermi timmisartup taartaanik tallimanngornermi angallassisoqassasoq, kisianni aamma taanna taamaatinneqarpoq.
Teknikkikkut ajornartorsiutit
Angallassinissamut taamaatitsiinnarnerit teknikkikkut ajoquteqartoqarneranik pissuteqartut oqaatigineqarpoq.
Kingoraartissat pingasunngornermiKøbenhavnimut tikissimanngitsut utaqqinneqarmata, sismanngormat Norsap angalanissaa taamaatinneqartoq, atuartartoq Sermitsiaq.AG-mut ilisimatitsivoq.
- Air Greenland tallimanngornermi saniatigut timmisartumik angallassititsinissaanik timmisartukkut angalasut neriorsorneqaraluarput, kisianni taanna timmisartoq aamma ullumikkut taamaatinneqarpoq, atuartartoq Sermitsiaq.AG-mut ilisimatitsivoq.
Oqaaseqarnianngitsut
Air Greenlandimit oqaaseqartitsinissaq pisinnaasimanngilaq, attaveqatigiinnermut pisortamut innersuussisoqarmat, taasumalu oqarasuaat maannamut tiguneq ajorpaa, timmisartortitseqatigiiffillu aamma taamaatitsinerit pillugit tusagassiuutinut nalunaaruteqanngilaq.