Toqutseriaraluarneq pillugu ukiuni sisamani parnaarussassanngortitsisoqarnissaa unnerluussisup piumasaraa
Angut 2023-mi juulimi toqutseriarsimasutut unnerluutigineqarluni ataasinngornermi februaarip 19-iani Sermersuup Eqqartuussiviani eqqartuunneqassaaq.
Angut 20-t sinnerlugit ukiulik toqutseriarsimasutut unnerluutigineqarpoq, ataasinngornermilu februaarip 19-iani marlunngornermilu februaarip 20-ani Sermersuup Eqqartuussiviani eqqartuunneqartussaavoq.
Toqutseriaraluarneq pillugu ukiuni sisamani pineqaatissinneqarsimasunut inissiisarfimmiittussanngortinneqarnissaa unnerluussisussaatitaasut piumasaraat.
Unnerluussut Sermitsiaq.AG-p pissarsiarisaa naapertorlugu angutip taamanikkut 27-nik ukiullip angut arfineq-pingasoriarluni niaquagut pingasoriarlunilu timaagut kapisimavaa. 2023-mi juulip pingajuanni Nuup illoqarfiata ilaani Nuussuarmi pisiniarfiup Akikip eqqaani toqutseriaraluarneq pivoq.
Ikiaroornartut pillugit akerleriinneq
Unnerluussissummi nassuiarneqarpoq angutit marluk taakku ikiaroornartoq pillugu assortuussimanerannit toqutseriaraluarneq aallaaveqartoq. Unnerluutigineqartoq ikiaroornartumik ujajaaniaraluarpoq, ujajaaniaraluarnerlu eqqissiviilliornermik kinguneqarpoq, tassanilu unnerluutigineqartoq savilersorpoq.
Angut saassunneqarnerminit aniguivoq, ajoquserneralu inuuneranik navianartorsiortitsimmat suliarineqarpoq.
Kingorna Kalaallit Nunaanni Politiit ulluni arlalinni Nuussuarmukartarput najukkami najugallit akornanni eqqissineq toqqissisimanerlu pilersinniarlugit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...