Tupinnaannartumik annaassinermit assit takukkit
Ajunaarnernik misissuisartut, havarikommissionip, timmisartuaqqamit, oktobarimi sermersuarmi aserorluinnartumit assit tamanut saqqummiuppai. Ajutoornermi timmisartortartoq annappoq.
Timmisartuaraq Piaggio P180 Amerikami nalunaarsortissimasoq, oktobarip 18-ianni Kangerlussuup eqqaani ajornartoorluni sermersuarmut mippoq, orsueruttoornini pissutigalugu.
Timmisartoq Islandimit Narsarsualiaraluarpoq.
Ajutoornernik misissuisartuni luftfartshavariinspektøri Jørn Asmussen Politikenimut oqarpoq, timmisartortartoq pilersaarummit appasinnerusukkut ingerlaarsimasoq, angalaffiani allanik timmisartoqarnera pissutigalugu. Taamaasilluni iilmagisaminit orsussamik atuinerusimavoq.
Timmisartortartorli Narsarsuarmut missinnaasimanngilaq silarlunnera pissutigalugu, Kangerlussuarmukartariaqarsimallunilu. Aqqutaani orsueruttoorpoq.
'Timmisartoq ajutoorluni sermersuarmut mittoq'-mi assilisat tamaasa takukkit, talerpiatungaani allaaserisaq toorlugu.