Ujakkaarluni uni-mut

Massakkut kalaallinik arfineq marlunnik Norgep avannaani ilinniagaqartoqarpoq. Taakku ilaat pingasut augustimi aalisakkanik tunisassiornermut tunngasunik ilinniarlutik aallartipput. Allallu taassapput Aaju Simonsen, ujarassiuunngorniartoq, Ulrik Lund, naalagaaffimmik aqutsinermut tunngasunik ilinniagaqartoq, Ivalu Søvndahl Pedersen, nunat inoqqaavinut tunngasutigut masterinngorniarluni ilinniartoq, kiisalu Rasmus Christensen, arctic natural ressource management-imi masterinngorniarluni ingerlasoq.

Kingulliit sisamat Tromsømi Ilulissat avannarpaseqataanni, ukiumi qaammatini marlunni kaperlattartumi, najugaqarluni qanoq innersoq oqaluttuaraat.

-Norgep avannaa nunatsinnut eqqaanartorujussuuvoq. Nuannersorujussuuvoq inuillu qallunaaniit inussiarnernerupput. Soorlumi ikinnerussuteqartutut inuuneq paasisimanerugaat. Uanga allatut isigineqartutut misiginngisaannangajappunga. Nuna, silaannaq ilami suut tamarmik maani Danmarkimiit pitsaanerupput, Aaju oqarpoq.

-Norgemiut aamma qallunaaniit ilasseraarnerujussuupput. Aammami samet maaniipput, taakkulu norgemiunut akeqqersimaartuaannartuugaluarsimasut ukiuni kingullerni eqqisseqatigiinnerulersimapput. Taamaamttumik innuttaasut aamma kalaallinut akuersaarnerupput tunuarsimaarfiginninnginnerullutillu, Ulrik oqarpoq.

-Maanimi aamma Københavnimisuulli kalaallinik aalakoortunik takussaasoqartanngilaq, Aaju oqarpoq.

-Inuussutissalli akisoqaat, hahaha...! Tamanna sungiukkuminaappoq. Europamiutut nerisarput aammali tuttutortarput, tusarparalu aamma puisitortartut. Aamma aalisakkanik panertuuteqartarput, tamakkuli akisoqaat, Aaju oqarpoq.

Sermitsiaq atuaruk...