Ukiuni kingullerni arfinilinni: Kalaallit 1.000-it sinnerlugit Danmarkimut nuuttut
Tamanna Naatsorsueqqissaartarfiup kisitsisaataani takuneqarsinnaavoq
2019-imi Kalaallit Nunaanni inunngorsimasut Danmarkimi najugallit 16.574-iupput.
Tamanna Naatsorsueqqissaartarfiup kisitsisaataanni takuneqarsinnaavoq.
Kalaallit Nunaanni inuusut Danmarkimi 2013-mi najugallit 15.350-iupput, taamaasilluni Kalaallit Nunaanni inuusimasut 1.224-it piffissami tassani Danmarkimut nuussimallutik.
Akissarsiallit namminersortullu amerlanerpaapput. Amerlassusaat ikiliartorput, kisianni 2013-imiilli missiliorlugu 39 pct.-imiilluni nikerarsimanngilaq. Imminut pilersorsinnaanissamut ilaquttanillu pilersuisinnaanissamut ikiorsiissutinik pisartut annertussusaat qaffakkiartorpoq, pingaartumik ukiuni 2008-miit 2013-imut. Utoqqalinermilu soraarnerussutisiallit annertussusaat ukiut ingerlanerini qaffariaallattarpoq.
60 pct.-it missaanniittut arnaapput. Ukiut ingerlanerini angutit annertussusaat annikitsumik qaffariarsimapput.
Sammisamut kisitsisit pillugit uani takukkit