ICC
Ukiup tulliani Nunatsinni ilinniartitaaneq pillugu ataatsimeersuartoqalertoq
2018-mi Nunatsinni ICC-p aaqqissugaanik ilinniartitaaneq pillugu ataatsimeersuartitsissaaq
Ukiup tulliani januaarip qaammataani Nunaput ICC-p aaqqissugaanik ilinniartitaaneq pillugu ataatsimeersuartitsissaaq
Tamanna illoqarfiit pingaanersaanni Nuummi ingerlanneqassaaq.
Issittumi Siunnersuisoqatigiit Fairbanksimi ministerit ataatsimeersuarnerani, ICC Kalaallit Nunaani siulittaasoq Hjalmar Dahl, ilinniartitaaneq pillugu Nuummi ataatsimeersuartoqarnerani nunat issittormiut tamaasa peqataaqqullugit kaammattuuteqarpoq.
- Kujasinnerusumi Issittumilu najugaqarfiit akornanni assigiinnginnerujussuit atuukkunnaarnissaat siunertaralugu pineqartut tungaasigut siuarsaajuarnissarput avaqqunneqarsinnaanngilaq, apeqqutillu tamassuma pingaaruteqarnera naqissuserneqarnerusinnaanani.
- Atuarnerup nalaani ilinniartitaanikkut pitsaassutsit annertunerpaat atorlugit, meeqqat atualeqqaarnerininngaanniit ilinniarnertuunngornissaasa tungaanut ilinniartitaanerup pitsaassusaa nutaaliornikkut periusissat naligiimmik periarfissiisussat pisariaqartippavut, Hjalmar Dahl Issittumi Siunnersuisoqatigiit ministerit ataatsimeersuarnerani oqarpoq.