pisassiissutit
Umiatsiaararsorlutik qaleralinniartut pisassiissutigineqartut tamakkeraat
Qeqertarsuup Tunuani umiatsiaararsorluni qaleralinniarneq ingerlanneqarluartoq
Aqutsisoqarfimmit nalunaarutigineqarpoq aqutsiveqarfimmi Qeqertarsuup Tunuani sinerissap qanittuani umiatsiaaraq atorlugu qaleralinniarneq pingasunngorpat juunip 18-ani unitsinneqassammat, Qeqertarsuup Tunuani umiatsiaaraq atorlugu qaleralinniarnermi pisassat tamakkerneqalermata.
Umiatsiaararsorlutik qaleralinniartut qaammammut pisassaat 438 tonsit aalisarneqalereersimapput. Tunisivik juulip aallaqqaataani ammaqqinneqassaaq, qaammammullu 438 tonsinik pisassiisoqaqqissalluni.
Aalisarneq ukioq tamaat ingerlanneqarnissaa anguniarlugu Naalakkersuisut ukiup nutaamit pisasseeriaaseq allanngortippaat, qaammammut killilimmik tunisisoqarsinnaalersillugu. Apriilimit septembari tikillugu pisassaritinneqartut anginerusarput, 438 tonsiusarlutik.
Angallatit meterinit arfinilinnit anginerit aalisarnerat suli ingerlanneqarsinnaavoq.