Utoqqaat Illuanni akiliutinik 20-nik tillinniartoqartoq
Aasiaat Politiivisa utoqqaat illuanni tillinniartoqarnerani takunnissimasinnaasut attavigerusuppai.
Annonse
Aasiaat Politiivisa utoqqaat illuanni tillinniartoqarsimaneranut nalunaarut tallimanngornermi tiguaa:
- Aasianni Utoqqaat illuanni tallimanngornerup unnuaani tillinniartoqarsimasoq, tassani aningaasivik hævekortinik 20-t missaanni pinkodetalinnik, utoqqaat illuanni najugaqartut pigisaannik, imalik tillinneqarsimalluni, Kalaallit Nunaanni Politiit Facebookiminni allapput.
Politiit suliami paasiniaalereerput, tillinniartoqarsimaneranilu takunnissimasinnaasunik ujartuillutik:
- Aasianni innuttaasut, tillinniarnermut ilisimasaqartut, aammalu pinerluttup kinaaneranik ilisimannittut, qinnuigineqarput politeeqarfimmut nammineq ornigullutik imaluunniit politiinut 701424-mut sianerlutik saaffiginneqqullugit, politiit ilisimatitisipput.