Uumasunik nuannarisallit Fogh kamaappaat
Statsministerip arferit pillugit Torshavnimi oqaaseqaatai aamma qallunaat nunaanni uumasunik illersuiniaqatigiinnit Dyrenes Venner-ikkunnit kamaammiutigineqarput. Naalakkersuisut maanna uumasunik illersuiniaqatigiinnut sorsunnialerput, suliniaqatigiiffiup siulittaasua Peter Mollerup oqarpoq.
- Anders Foghi atuartutut naalattutut pinerliffigineqarsimasutullu pissusilersorpoq, Folketingimi atlantikup avannaaniit ilaaasortat sisamaasut naalakkersuisunik tapersersuisinniaannarlugit, arferit eqqorneqarnerlussimaqisut japanimiut qumutiliinit eqqorneqannginnissaat anguniarlugu eqqissisimaffissaannik pilersitsiniarnermut Danmarkip naaggaarnissaa pillugu ilungersorsimalluni. Peter oqarpoq
Peter Mollerupip tupinnarnerarpaa, statsministerip danmarkimi uumasunik illersuiniaqatigiifinni ilaasortaasut 120.000-iusut pinerunagit "taasisinnaatitaasut sisamat pissarsiarinissaat anguniaallarlugu Kalaallit Nunaannut Savalimmiunullu iluareqqusaarusunneruppat"
- Naalakkersuisut suliami matumani isumaat pillugu ilaasortagut oqaluttuuniarlugit suulluunniit atorumavagut, Ritzau naapertorlugu taamak Dyrenes Venner-ikkkut siulittaasuata sioorasaarutaa nipeqarpoq.