Vatikanip toqutsinermik suliaq ukiunik 36-nik pisoqaassusilimmi ilerrit marluk ammarniarpaat
Niviarsiaqqap inuusuttuaqqap 1983-imi tammartoq pillugu suliami, Peterskirkemi iliveqarfik soqutigineqaleqqavoq.
Ilerrit marluk assallugit qaqinneqarnissaat Vatikanip sisamanngormat peqqussutigaa, ilerrit inuusuttuaqqap ukiut 36-t matuma siorna periarfeerunneqartup timaata tassaniissinnaaneranik kinaassutsimik isertuussisumit nalunaarfigineqarnerup kingorna tamanna pivoq.
Emanuela Orlandi, Vatikanimi sulisup pania, 15-inik ukioqarluni nipilersornermik ilinniarfimminit anisoq kingullermik takuneqarpoq. Ukiuni qulikkaani taassuma toqunera pillugu assigiinngitsunik nassuiaasiortoqartarpoq – minnerunngitsumik taassuma timaata sumut ilineqarsimanera pillugu.
Organdip qatanngutaa Pietro, qasusuilluni taassuma tammarnera Vatikanip misissuinissaanik ilungersuussisoq, Campo Santo Teutonicomi, Vatikanit tyskinut iliveqarfiani ilerrit assalluni qaqinneqalerpata sinniisoqarniarpoq.
Ilerrit ammarneqassapput, ilaqutariit eqqartuussissuserisuat iliveqarfimmit assimik inngilimik inuusaliartalimmik kalerrinneqarmat.
- Inngilip sumut tikkuarnera takuuk, tassani taama allaqqasoqarpoq.