Videoliarineqarsimasoq: Biili aallarunneqarsimasoq malersorneqarnermini aporneqarsimavoq
Marlunngornermi ullaaralaakkut biili aallarunneqarsimasoq politiinit malersorneqarluni aporneqarsimavoq, aallarussisimasup unikkusunnginnera pissutigalugu, pigaartut pisortaaq oqaluttuarpoq.
Politiit unnuaq pingasut sisamallu akornanni nalunaarfigineqarsimapput, Nuummi biilimik aallarussisoqarsimasoq pillugu.
Politiit piffissami sivisuumi biilimik aquttoq unitsinniarsarisimavaat, iluatsinnaguli, pigaartut pisortaat Nûno Larsen oqaluttuarpoq.
Politiit taamaammat biili aallarunneqarsimasoq aporlugu unitsinneqarnissaa aalajangersimavaat, taanna oqarpoq.
Videoliarineqarsimasoq
Video inuit attaveqaqatigiittarfiisigut marlunngornermi ullaraalaakkut arlalinnit isiginnaarneqartarpoq. Videomi takuneqarsinnaavoq politiit biiliata sukkasoorujussuarmik ingerlalluni biili naluttarfiup Maliup eqqaaniittumi kaajallattariap eqqaani aporaa.
Biilili aporneqartoq politiit biiliinit arlalinnit malersorneqarluni Nuussuup tungaanut ingerlaannarsimavoq.
Pigartup pisortaata misissuisoqarnera pissutigalugu, suliami immikkuualuttut oqaluttuarerusunngilai.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...