Vivian Motzfeldt Inatsisartut Siulittaasuattut ingerlaqqippoq
Ukiakkut katersuunneq aallarnerlugu Vivian Motzfeldt Siumumeersoq Inatsisartut Siulittaasuattut qinigaaqqippoq
Annonse
Ileqquusoq malillugu ingerlaaqatigeereernermi naalagiaqatigeereernermilu 2019-imi ukiakkut ataatsimiinneq allartinneqarpoq.
Vivian Motzfeldt (S) 17-inik taaneqarluni qulinillu akerliusoqarluni Inatsisartut Siulittaasuattut qinigaaqqippoq.
Mimi Karlsen siulittaasussatut IA-mit siunnersuutigineqarsimavoq.
Inatsisartut siulittaasussaannik qinersisoqareermat, Naalakkersuisut Siulittaasuat Kim Kielsen ammaalluni oqalugiarpoq.