RAL
Aalborgimi RAL-imi sulisut sulinertik aallarteqqippaat
Royal Arctic Linemi sulisut 100-t missaanniittut sapaatip-akunneranik sivisussusilimmik sulinngereerlutik, ataasinngornermi ullaakkut suliumajunnaarnertik taamaatippaat.
Annonse
Royal Arctic Linemi Aalborgimi suliumajunnaarneq tamaanga killeqarpoq.
3F-imi sulisut sinniisaat, Michael Gregersen, KNR-imut taama ilisimatitsivoq.
Suliumajunnaarneq sapaatip-akunnerata siuliani aallartippoq, tassani Aalborgimi sulisut akerliullutik suliumajunnaarput, Aarhusimut nuunnissamut atatillugu pisortat pitsaanngitsumik attaveqatiginnissorigamikkit.
Aamma atuaruk: Sulisitsisut Royal Arctic Linemut sakkortuumik isornartorsiuisut
Weekendip ingerlanerani sinniisut RAL-imi pisortaaneq Verner Hammeken oqaloqatigaat, oqaloqatigiinnerlu pitsaasimvoq.
- Nassuertoqarpoq. Uagut taama nalilerparput, Michael Gregersen KNR-imut oqarpoq.
Verner Hammeken juulip 6-anni sulisut oqaloqatigiartorlugit Aalborgimut aallassaaq.