Aalisarneq: Oqallisissiaq atuarsinnaanngorpat
Aalisarneq pillugu Ataatsimiititaliarsuup siunissami aalisarneq pillugu inatsisissap ilusilersorneqarnissaanut atatillugu oqallisissiaq 60-inik quppernilik tamanut saqqummiuteqqammerpaa
Oqallisissiaq innuttaasunit tamanit maanna atuarneqarsinnaasunngortinneqarpoq, ullumilu kingusinnerusukkut Hotel Hans Egedemit nal. 16.30-mit tamanut ataatsimiititsinermit oqallisissiamik saqqummiussiviusumit toqqaannartumik aallakaatitsisoqassaaq.
Ingerlariaqqiffissat iluaqutaasinnaasut:
- Toqqaannartumik aallakaatitsineq qallunaatut
- Toqqaannartumik aallakaatitsineq kalaallisut
- Oqallisissiaq tamakkiisoq
Imarisaasa allassimaffiat suliassarujussuarmut Aalisarneq pillugu Ataatsimiititaliarsuup innersuussutinik saqqummiussaqarfigisassaanut tunngasunik paasisaqarfiungaatsiarpoq.
- Aallarniut eqikkaanerlu
- Aalisakkanik pisuussutit inuiaqatigiit pigisaraat
- Aalisarnerup aningaasaqarnermut pingaaruteqarnera iluaqutaaneralu
- Aalisakkanit pisuussutinik iluaquteqarneq
- Uumassuseqarnikkut piujuartitsineq aalisarnermik nakkutiginninnermi tunngavittut
- Aalisarnermik inuussutissarsiummi siuariartornissamut ineriartornissamullu periarfissat
- Aalisarnermik inuussutissarsiummi sulisoqarnikkut pissutsit
- Sunniuteqarluartumik aalisarnermi nakkutilliineq
- Aalisarnermik aqutsinermut tamanullu ammasuunermut naleqqiullugu paasissutissat aamma paasissutissat paasiuminartuuneri
- Unamminartut periarfissallu – aalisarnermi politikikkut tulleriiaarisoqarnissaa pisariaqartinneqarpoq
- Suliap ingerlaqqinnissaa – attaveqaqatigiinneq ammasumillu periuseqarneq
- Oqallisissiami inuit tamat oqallilluarnissaannut tunngavissiinissaq aamma Aalisarneq pillugu Ataatsimiititaliarsuup suleqqinnerani atugassanik annertunerusumik oqaloqatigiinnissamut tunngavissiinissaq siunertaavoq, allassimasoqarpoq.
Suleqqinnissaq
Aalisarneq pillugu Ataatsimiititaliarsuaq paasissutissiivoq, ataatsimiititaliarsuup suleqqinnera ilaatigut tassaassaasoq”suliakkiussami sammisat suliarineqareersut iluanni inassuteqaatit erseqqissarnissaat aamma oqallisissiamut ilanngitsut sammisat amigaatigineqartut misissoqqissaarnissaat. Tassani pineqarput apeqqutit pingaarutillit arlallit assersuutigalugu sinerissamut qanittumi aalisarnerup nutarterneqarnissaanut sinaakkusiussat pitsaanerusut aamma aalisarnermi ingerlataqartunut nutaanut periarfissat ajornannginnerusut”.
Ataatsimiititaliarsuup inassuteqaataasa 2020-p qiteqqunnerani piareerneqarnissaat naatsorsuutigineqarpoq.