Arnanut
Aalisarnermi nakkutilliisoqarfimmi “anaanaaraq”
30-nik ukiulik Tanya Qvist-Markussen Kalaallit Nunaanni arnani siullersaalluni Aalisarnermut nakkutilliisutut ilinniagaqaqqaartuuvoq. – Arnaaninili pillugu sakkortuumik uparuarneqarsinnaasarpoq ilaannili aamma aporaaffinnik anaanatut ililluni aaqqiissasoq naatsorsuutigineqartarluni.
Aalisarnermut nakkutilliinermik sulineq isumaqarfigisimagaanni angutaannarnit taamaallaat suliffigineqarsinnaasoq.
Taava Tanya Qvist-Markussen Aalisarnermut nakkutilliisutut isikkoqanngilluinnarsimassagaluarpoq, tassami arnaavoq pinnersoq sallaatsorlu.
Kalaallit Nunaanni Aalisarnermut nakkutilliisutut arnat amerlanersusut ilinniartalernissaannik suliniuteqarnerup Tanya Qvist-Markussen angusat ilagaat.
– Suliffimma neqeroorfigeriasaarpaanga Aalisarnermut nakkutilliisutut ilinniarusussinnaanersunga - neqeroorut soorunami akueraara. Inuillu 60-it missaanniilluta misilitsippugut, taakkunanngalu inuit arfineq-pingasut akuerisaapput.
– Uangalu arnartatuaallunga ukiuni pingasuni ilinniartussatut tiguneqarpunga, taamaalillungalu Kalaallit Nunaanni arnani siullersaallunga januaarip 14-iani 2014-imi Aalisarnermut nakkutilliisutut ilinniagara naammassivara, Tanya Qvist-Markussen oqaluttuarpoq.
Suliffimmi angutit suliffiginerusartagaanni arnartatuaasoq pillugu Arnanumi saqqummertumi nutaami atuaruk, taanna uani pisiarisinnaavat.