Aalisarneq
Aalisarnermit iluanaarutit amerleriarujussuartut
2016 tamakkerlugu aalisarnerup nalinga ukiup siulianut sanilliullugu 24 procentimik qaffariarpoq, naak ataatsimut isigalugu ''taamaallaat'' saarulliit, raajat, qalerallit, nipisat aamma saattuat 18 procentimik amerlanerusut tulaassorneqaraluartut.
Naatorsorsueqqissartarfiup 2016-imi aalisarnermut kisitsisit saqqummiuteqqammerpai, inuussutissarsiornerlu ingerlalluartoq iluanaarfiulluartorlu takuneqarsinnaavoq. Nunatsinnut nutaarsiassatsialak, tassami aalisarneq iluanaaruteqarnerup tungaatigut pingaarnersaammat.
Nipisat kinguariartut
2015-imut sanilliullugu nipisat kisimik tunineqarnerisa nalingisalu tungaatigut kinguariarput - 29 aamma 27 procentimik appariaramik.
2015-imut sanilliullugu naatsorsuineq
Qalerallit
- Tunisat: + 22 pct
- Nalingat: + 34 pct
Saarulliit
-
Tunisat: + 19 pct
-
Nalingat: + 15 pct
Raajat
- Tunisat: + 26 pct
- Nalingat: + 20 pct
Saattuat
- Tunisat: + 2 pct
- Nalingat: + 20 pct
Avataasiorluni aalisarneq
Avataasiorluni aalisarnermi aamma pisat 2015-imut sanilliullugu 19 procentit missaanni qaffariarput, Kalaallit Nunaatalu imartaani pisat nalingi 37 procentit missaanni qaffariarput.
Kisianni Nunatta imartaata avataani pisat ikileriangaatsiarput, ammassinermi kinguariarneq pissutaanerulluni. Nalingisa tungaatigulli appariarneq 4 procentiinnaavoq, Naatsorsueqqissaartarfik ilisimatitsivoq.